Grísahnakinn 

• 1 kg grísahnakki 

• 100 ml sojasósa 

• 100 gr engifer (fínt skorið)

• 50 gr mangóchutney

• 60 gr sesamolía 

• 250 l appelsínusafi 

• 1 stk hvítlaksgeiri

• 1 msk sambal oelek 

• 1 msk allrahandakrydd

• 1 msk laukduft

Skerið grísahnakkann í ca 250 gr steikur og setjið á fat. Setjið allt hitt hráefnið saman í blender skál og blandið vel saman. Hellið helmingnum af vökvanum yfir kjötið og látið liggja á kjötinu í 4 klst. Geymið hinn helminginn í ískáp og berið fram með kjötinu. Hitið grill eða pönnu og steikið steikurnar á báðum hliðum þar til að þær eru grillaðar í gegn, skerið niður í þunna renninga og berið kjötið fram.

Steikt hrísgrjón með kasjúhnetum og vorlauk 

• 250 gr shitake sveppir (má nota venjulega sveppi)

• 4 egg

• 100 gr smátt skornar gulrætur

• 150 gr frosnar grænar baunir (ófrosnar)

• 2 stk vorlaukur fínt skorinn

• 2 msk fínt skorin mynta  

• 40 ml hrísgrjónaedik 

• 30 ml sojasósa 

• 1 msk sesamolía 

• 500 gr soðin jasminhrísgjón  

• 80 ristaðar kasjúhnetur (eldaðar við 150 gráðu hita í ofni í 30 min)

• Olífuolía til steikingar  

Hitið pönnu með ólífuolíu og steikið sveppina og gulræturnar þar til allt er orðið mjúkt í gegn. Brjótið eggin í skál og pískið þau í sundur og hellið út á pönnuna og hrærið vel í á meðan. Setjið svo baunirnar og hrísgrjónin út á pönnuna og blandið öllu varlega saman með sleif. Í lokinn setjið þið sojasósuna, sesamolíuna, vorlaukinn, kasjúhneturnar og myntuna saman við.