Grillað grísafillet í BBQ sósu 

• 800 gr grísafillet 

• 200 ml ab mjólk 

• 8 msk BBQ sósa 

• 1 stk lime 

Skerið grísafille-ið í ca 200 gr steikur. Blandið BBQ sósunni og ab mjólkinni saman. Setjið kjötið í blönduna og látið standa yfir nótt. Setjið kjötið á heitt grillið og grillið í ca 2 mín á hvorri hlið. Haldið áfram að snúa kjötinu reglulega þangað til það er eldað í gegn. Kryddið með salti og pipar og kreistið limesafa yfir kjötið. 

Ristað maíssalat

• 4 stk heill maís

• 1 stk rauður chili (gróft skorinn)

• ½ rauðlaukur (fínt skorinn)

• 60 ml olífuolía

• 1 stk lime safinn og börkurinn

• 1 box kirsuberjatómatar (skornir í fernt)

• ½ bréf gróft skorinn kóriander

• sjávarsalt 

• Svartur pipar úr kvörn.

Setjið heila maísinn á heitt grillið og grillið hann þar til hann er orðin svartur að utan allan hringinn. Takið utan af maísnum og skerið maískornin utan af stilknum. Blandið öllu hráefninum saman í skál og smakkið til með saltinu

BBQ sósa

•  500 ml  tómatsósa 

• 125  ml epla edik 

• 125  ml maplesýróp  

• 125 ml eplasafi 

• 125  ml sætt sinnep 

• 75  ml chipotle paste 

• 1 stk laukur (fínt skorinn)

• 2 stk hvítlauksrif 

• 125  gr púðursykur 

• 125 gr apríkósusulta  

• Sjávarsalt 

Setjið allt hráefnið í pott og sjóðið við vægan hita í ca 45 mín eða þar til laukurinn er orðinn mjúkur.  Maukið sósuna með töfrasprota og smakkið hana til með salti.