Kjötsósan 

• 2 hvítir laukar (skornir í litla teninga) 

• 200 gr gulrætur ( skrældar og skornar í teninga) 

• 2 sellerístilkar ( skorið i teninga)

• 125 gr sveppir (skornir) 

• 2 stk hvítlauksgeirar fínt rifnir

• 1 msk þurrkað timian 

• 1 kg grísahakk

• 1,1 kg  maukaðir tómatar 

• Olífuolía til steikingar 

• 250 ml rauðvín( má sleppa)

• Sjávarsalt 

• Svartur pipar úr kvörn 

Hitið stóran pott með olífuolíu í og steikið laukinn, gulræturnar, selleríið og sveppina í honum þar til að allt grænmetið er orðið mjúkt undir tönn. Bætið hakkinu, hvítlauknum og timianinu út í pottinn og brúnið hakkið þar til að það er eldað í gegn. Hellið rauðvíninu og tómötunum út í potinn og kryddið vel með salti og pipar sjóðið allt saman við vægan hita í 1-2 tíma eða þar til að sósan er orðin þykk. Smakkið til með salti og pipar eftir smekk.

Hvíta sósan 

• 600 ml mjólk 

• 1 tsk hvítlauksduft 

• 70 gr smjör 

• 90 gr hveiti

• 1 tsk grænmetiskraftur 

Bræðið smjörið í potti, blandið hveitinu saman með písk. Hellið mjólkinn smá saman út í potinn og pískið í á meðan. Þegar sósan er orðin eins og þunnur grautur bætið þið grænmetiskraftinum og hvítlauksduftinu út í og smakkið til með saltinu og látið sjóða í nokkrar mínútur og hrærið í á meðan, ef þið gerið það ekki brennur sósan. 

Lasagnað

• 1 pakki ferskar lasagna plötur (má líka nota þurrkaðar)

• Smjörpappír 

• 1 poki rifinn mozzarello ostur 

• Kjötsósan 

• Hvíta sósan 

Fyllið botninn á eldföstu móti með kjötsósunni setjið svo lasagna plöturnar ofan á sósuna og þar næst þunnt lag af hvítu sósunni yfir þær. Gerið nokkur lög í viðbót eða þar til að eldfasta mótið er að verða fullt. Endið á kjötsósunni og leggið smjörpappírsörk yfir eldfastamótið, setjið lasagnað inn í 180 gráðu heitann ofninn og bakið í 30 min. Takið lasagnað út og dreifið ostinum yfir lasagnað og bakið í 15-20 min í viðbót. Berið fram með klettasalati, kirsuberjatómötum, hvítlauksbrauði, parmesan og góðri extra virgin ólífuolíu.