• 1 stk nautalund 

• 1 msk sinnepsfræ 

• 1 msk svört piparkorn 

• 25 gr þurrkaðir villisveppir 

• 1 msk reykt paprikuduft 

• ½ tsk chiliflögur 

• 1 msk timian 

• 1 msk sjávarsalt 

• olía til steikingar

• 100 gr smjör 

Setjið kryddin og villisveppina saman í mortel og brjótið niður. Veltið nautalundinni upp úr blöndunni, hitið pönnu með olíu og brúnið lundina allan hringinn, setjið smjörið í lokin á pönnuna og ausið því yfir lundina. Setji lundina ásamt smjörinu í eldfast form og setjið inn í 200 gráðu heitann ofn í 15 min eða þar til lundin hefur náð 46°c í kjarnhita. Takið lundina út úr ofninum og setjið álpappír yfir og látið hvíla í 15 min áður en hún er borin fram.

Fylltar kartöflur með beikoni rauðlauk og dijonsinnepi

• 4 stk bökunarkartöflur 

• ½ bréf beikonkurl

• 1 stk rauðlaukur 

• 1/3 poki steinselja 

• 1 msk dijon sinnep

• 250 ml rjómi  

• sjávarsalt 

• 150 gr rifinn ostur 

Bakið kartöflurnar við 200°c í 80 min eða þar til þær eru fullbakaðar.

Skafið innan úr kartöflunum og geymið innihaldið í sér skál, setjið kartöfluhýðið í eldfast mót. Hitið pönnu og steikið beikonkurlið þar til það er að verða stökkt og bætið því næst rauðlauknum út á pönnuna, steikið hann þar til hann er orðin mjúkur og bætið svo rjómanum út á pönnuna og látið hann sjóða í ca 2 min. endið á að setja sinnepið, kartöflurnar og steinseljuna út á pönnuna og blanda öllu saman og smakkið til með salti. Fyllið kartöfluhýðið með kartöflublöndunni, dreifið ostinum jafnt yfir og setjið inn í 180°c heitan ofninn í 20 min.