• 800 gr nautafille(fullhreinsað)

• 1 msk þurrkað estragon 

• 2 msk dijon sinnep 

• 2 msk ólífuolía 

• Safi úr ½ sítrónu 

• 1 stk hvítlauksrif (fínt rifið)

• ólífuolía til steikingar 

• sjávarsalt 

• svartur pipar úr kvörn 

Setjið estragonið, dijon sinnepið, ólífuolíuna og sítrónuna saman í skál og blandið saman. Hitið pönnu með ólífuolíu og brúnið nautafille-ið allan hringinn og kryddið með salti og pipar. Smyrjið fille-ið með sinnepsblöndunni allan hringinn og setjið inn í 100 gráðu heitan ofninn í 1 klst eða þar til það hefur náð 53 – 56 gráðum í kjarnhita. Takið út úr ofninum og látið fille-ið standa í 15 mín áður en það er borðað.

Sveppa- og kartöflugratin

• 4 stk bökunarkartöflur 

• 1 box sveppir 

• 1 bréf beikon (smátt skorið)

• 1 teningur sveppakraftur 

• ¼ líter rjómi 

• 1 msk smjör

• sjávarsalt 

• 1 poki rifinn ostur 

Bakið kartöflunar við 200 gráðu hita í 70 mín. Skerið kartöflurnar í helming þegar þær eru klárar og skafið innan úr þeim með matskeið. Hitið pott með smá olífuolíu og setjið beikonið út í og steikið í ca 3 mín. Skerið sveppina fínt niður og setjið út í pottinn með beikoninu. Steikið þar til sveppirnir eru orðnir gullinbrúnir. Bætið rjómanum og smjörinu út í ásamt sveppakraftinum. Endið á að bæta bökunarkartöflunum út í pottinn, blandið öllu vel saman og smakkið til með salti og pipar. Setjið svo allt hráefnið saman í eldfast mót og dreifið rifna ostinum jafnt yfir. Bakið við 200 gráðu hita í 15 mín.