Lambalæri með dilli kapers og hvítlauk

• 1 stk lambalæri 

• 1 bréf ferskt dill – gróft skorið

• 5 stk hvítlauksgeirar grófskornir  

• 2 msk grófmalaður svartur pipar 

• 3 msk lítill kapers 

• 2 msk sjávarsalt 

• 100 ml ólífuolía 

Setið lambalærið í eldfast mót, blandið öllu hinu hráefninu saman í skál og hjúpið lærið með því. Látið standa inni í ísskáp yfir nótt. Setjið inn í 150 gráðu heitan ofninn í 2 klst.

Kremað brokkolí og grænkál 

• 1 stk stór brokkolíhaus 

• 150 gr grænkál 

• 1 stk steinseljurót ca 200 gr  

• 1 hvítlauksgeiri fínt rifinn 

• olía til steikingar 

• safi úr ½ sítrónu 

• 250 ml rjómi 

• grænmetiskraftur 

• svartur pipar úr kvörn

• sjávarsalt

Skerið brokkolíið niður í toppa, skrælið og skerið steinseljurótina niður í litla teninga. Takið stilkinn úr grænkálinu og skerið það fínt niður. Hitið pönnu með olíu og setjið steinseljurótina og brokkolíið á pönnuna og steikið í ca 5 min. Bætið rjómanum, hvítlauknum og grænkálinu út á pönnuna og látið sjóða í ca 5 mín eða þar til grænmetið er orðið mjúkt í gegn. Smakkið til með saltinu piparnum og grænmetiskraftinum.