• 1 stk Lambalæri 

Tómat, hvítlauks og basil marinering 

• 100 gr tómatpurré 

• 2 tómatar

• 2 hvítlauksgeirar (fínt rifnir)

• ½ bréf basil

• ½ rautt chili 

• 150 ml ólífuolía 

• salt 

Skerið tómatana í fernt og setjið í matvinnsluvél með öllu hinu hráefninu og vinnið saman í ca. 1 mín. Setjið lambalærið í ofnskúffu og hellið marineringunni yfir lærið og nuddið henni vel inn í lærið. Látið lambalærið standa í 24 klst inni í ísskáp. Setjið lærið inn í 150 gráðu heitan ofninn og eldið í 2 ½ klst. 

Brokkolí, tómat og mozzarella kartöflur 

• 700 gr soðnar kartöflur 

• ½ stk rauðlaukur (skrældur og gróft skorinn)

• 1 box kirsuberjatómatar (skornir í tvennt)

• 1 stk brokkolí 

• 100 poki mozzarellakúlur 

• 1 tsk hvítlauksduft

• 1 sítróna (börkurinn) 

• 100 ml rjómi 

• Sjávarsalt 

• Svartur pipar úr kvörn 

Skrælið og skerið kartöflurnar í fernt og setjið í skál, skerið brokkolíið gróft niður og setjið í sömu skálina með rauðlauknum og kirsuberjatómötunum. Setjið síðan mozzarellakúlurnar út í skálina og ásamt hvítlauksduftinu, sítrónuberkinum og rjómanum. Kryddið til með vel af salti og pipar og setjið svo allt saman í eldfast mót inn í 150 gráðu heitan ofninn 40 min.