Fylling 

• 100 gr sólþurrkaðir kirsuberjatómatar

• 1 msk kapers 

• 1 hvítlauksrif (fínt rifið)

• 1 poki spínat

• 2 msk graslaukur (fínt skorin)

• 1 box shiitake sveppir

• Sjávarsalt 

• Svartur pipar úr kvörn  

• Ólífuolía til steikingar 

Skerið sveppina fínt niður og hitið pönnu með olíu og steikið sveppina þar til þeir eru gylltir. Bætið hvítlauknum og spínatinu út á pönnuna og hrærið öllu saman og slökkvið undir pönnunni. Skerið sólþurkuðu tómatana í strimla og bætið þeim út á pönnuna ásamt kapers og graslauk. Smakkið allt til með salti og pipar. 

Fyllt lambafille 

• 4 x 200 - 230 gr lambafille bitar með fitu

• sjávarsalt 

• Svartur pipar úr kvörn

• Olía til steikingar 

• Garn til að binda 

Hitið pönnu með olíu og steikið kjötið með fituhliðina niður og brúnið hana þar til hún er gyllt. Snúið kjötinu við og haldið áfram að steikja í um það bil 1 mín eða þar lambið nær gylltum lit og kryddið kjötið með salti og pipar. Skerið eftir endilöngu í kjötið en passið að skera ekki alveg alla leið í gegn svo að það haldist saman. Setjið fyllinguna inn í kjötið og bindið það upp með snærinu. Eldið kjötið í 200°c heitum ofni í 15 mín. Takið kjötið út og setjið álpappír yfir það og látið það hvíla í 15 mín áður en það er borið fram.

Bakaðar sætar kartöflur og jógúrtdressing

• 2 stk sætar kartöflur 

• 1 tsk fennelfræ möluð

• 1 tsk cumin malað

• 1 msk sjávarsalt 

• 1 msk sambal oelek 

• ½ sítróna 

• 100 ml ólífuolía 

Skrælið kartöflurnar og skerið eftir endilöngu. Leggjið kartöflunar í eldfast mót eða bökunarplötu. Setjið öll kryddin, sambalinn og olíuna saman í skál, rífið börkin af sítrónunni yfir allt saman og kreistið að lokum safan úr henni. Blandið öllu saman og smyrjið öllu jafnt yfir kartöflurnar. Setjið inn í 180°c heitann ofn í 40 mín eða þar til kartöflunar eru mjúkar undir tönn. 

Jógúrtdressing 

• 1 dós grísk jógúrt (350 gr)

• 1 stk lime, safinn og börkurinn fínt rifin

• 2 msk hlynsíróp 

• 3 msk graslaukur (fínt skorinn)

• 1 tsk cumin malað

• ½ tsk salt

Setjið allt hráefnið saman í skál og blandið vel saman. Berið fram með sætu kartöflunum.