Kjúklingalundir í filo deigi 

• 600 gr kjúklingalundir 

• 2 msk grænt karrýpaste

• 2 msk ólífuolía 

• 1 pakki filo deig (eða won ton deig)

Hrærið olíunni og karrýpastinu saman og hellið yfir kjúklingalundirnar. Farið í einnota hanska og nuddið blöndunni vel inn í lundirnar. Látið lundirnar svo inn í ísskáp og látið standa þar í 6-10 klst. Skerið filódeigið þannig að kjúklingalundirnar passi á það og rúllið svo lundunum inn í filódeigið, hitið pönnu með mikið af olíu í upp í miðlungshita og steikið lundirnar í ca 16 min. Snúið lundunum á 2 min fresti á meðan þið steikið þær. Leggið lundirnar á eldhúspappír og þerrið olíuna af þeim áður en þið berið þær fram.

Kalt hrísgrjónasalat 

• 600 gr soðin jasmin hrísgrjón (köld)

• 3 stk vorlaukur (fínt skorin)

• 1 haus brokkolí (gróft skorið)

• ½ súkíní (gróft skorið)

• 1 stk appelsínugul paprika (kjarnhreinsuð og gróft skorin) 

• 1 msk Grænt karrýpaste 

• 1 msk sesamolía 

• 3 msk fiskisósa 

• 1 stk lime (Safinn)

• ólífuolía til steikingar 

Hitið pönnu með ólífuolíu til steikingar og setjið allt grænmetið nema vorlaukinn út á pönnuna og steikið þar til það fer að mýkjast. Blandið karrýpastinu, sesamolíunni og fiskisósunni saman og hellið út á pönnuna og takið svo grænmetið strax af pönnuni og setjið í skál með hrísgrjónunum og vorlauknum, kreistið safann úr limeinu yfir og blandið öllu saman.  

Sojadipping 

• 4 msk Sojasósa

• 1 msk hunang

Setjið sojasósuna og hunangið saman í skál og hrærið saman með písk. Setjið í litlar skálar og berið fram með kjúklingnum.