Bakað rótargrænmeti og sætar kartöflur 

• ½ stk sellerírót 

• 500 gr gulrætur 

• 1 stk stór sæt kartafla 

• 1 stk rauðlaukur 

• 3 msk sojasósa 

• 3 msk balsamico 

• 3 msk olífuolía 

• 2 msk hunang 

• sjávarsalt 

• svartur pipar úr kvörn 

• 10 – 15 greinar ferskt timian eða ½ - 1 tsk þurrkað timian.

Skrælið og skerið grænmetið niður í ca 2 cm kubba, setjið í stórt eldfast form og hellið sojasósu, balsamico, ólífuolíu og hunanginu yfir, kryddið með salti og pipar. Dreifið timianinu yfir allt grænmetið í lokin. 

Kjúklingur 

• 1 stk heill kjúklingur 

• 1 stk lime

• 10 greinar ferskt timian eða ½ tsk þurkað timian 

• 1 tsk hvítlauksduft 

• 1 msk sambal oelek 

• 1 msk sjávarsalt 

• 3 msk olífuolía 

Rífið börkinn af lime og kreistið safann af því í skál, bætið hvítlauksdufti, sambal oelek, ólífuolíu og sjávarsalti út í og hrærið öllu vel saman. Skerið kjúklinginn eftir endilöngu bringu megin. Hjúpið kjúklinginn með kryddblöndunni allan hringinn og leggjið hann svo ofan á grænmetið. 

Setjið kjúklinginn inn í 200°c heitann ofninn og eldið í 1 klst eða þar til kjúklingurinn hefur náð 73°c í kjarnhita.

Köld karrýdressing 

• 2 dósir hrein jógúrt 

• ½ msk karrýpaste 

• 1 stk lime(börkurinn)

• 1 msk hunang 

• salt

Hellið jógúrtinu í skál og bætið karrýpastinu út í ásamt fínt rifnum berkinum af lime og hunangi. Hrærið öllu saman, smakkið til með salti og berið fram með kjúklingunum.