Villisvepparisotto

• 300 gr risottogrjón

• 100 gr frosnir villisveppir (gróft skornir)

• 3 stk skallotlaukar (fínt skorin)

• 2 stk hvítlauksgeirar (fínt skorin)

• 200 ml hvítvín

• 800 ml kjúklingasoð (eða vatn og kjúklingakraftur)

• Olía til steikingar

• ½ stk teningur af sveppakrafti

• Sjávarsalt

• Svartur pipar úr kvörn

• 100 gr fínt rifinn parmesan ostur

• 1 box konfektómatar (skornir í helming)

• ½ poki spínat 

Hitið pott með olíu og steikið skallotlaukinn og hvítlaukinn þar til hann er mjúkur. Bætið grjónunum út í pottinn ásamt villisveppunum og villisveppakraftinum. Hellið hvítvíninu út í og látið það sjóða niður um helming. Bætið svo kjúklingasoðinu út í og sjóðið í ca 16-18 min eða þar til grjónin eru orðin næstum mjúk í gegn alla leið. Bætið parmesanostinum saman við og blandið vel saman. Endið á að setja spínatið og kirsuberjatómatana út í og blandið öllu varlega saman og smakkið til með salti og pipar eftir smekk.

Fylltar kjúklingabringur í parmaskinkuhjúp

• 4 stk kjúklingabringur

• 12 stórar sneiðar parmaskinka

• 1 stk villisveppasmurostur

• Ólífuolía

• Svartur pipar úr kvörn

Stingið gat í miðjar kjúklingabringurnar eftir endilöngu með litlum hníf. Setjið smurostinn í sprautupoka, troðið sprautupokanum inn í gatið og fyllið bringurnar með ostinum. Leggjið plastfilmu á borðið og leggið 3 sneiðar af hráskinku ofan á plastfilmuna. Leggið svo kjúklingabringuna ofan á skinkuna og rúllið bringunni upp með plastfilmunni þar til hún hefur hjúpað alla bringuna. Takið plastfilmuna utan af bringunum og setjið þær í eldfast form með bökunarpappír undir og kryddið yfir þær með pipar og hellið smá ólífuolíu yfir þær. Setjið inn í 190 gráðu heitann ofn í 25 min eða þar til þær hafa náð 73°c í kjarnhita.