Rjúpubringa

• 4 stk rjúpubringur 

• 20 gr smjör 

• olía til steikingar 

• Sjávarsalt 

• Svartur pipar úr kvörn 

Setjið bringurnar á heita pönnu með olíu og brúnið í 45 sek á annarri hliðinni, snúið þeim við og bætið smjörinu út á pönnuna. Steikið bringurnar á hinni hliðinni í 45 sek og ausið smjörinu yfir á meðan. Setjið í eldfast mót með álpappír yfir og látið hvíla þar undir í 10 mín. Skerið bringurnar og kryddið með saltinu og piparnum.   

Kremað grænkál með gráðosti

• 2 pokar grænkál   (200 gr)

• ½ líter rjómi  

• 2 stk skallotlaukur (gróft skorinn)

• 1 msk grænmetisþurrkraftur 

• safi úr ½ sítrónu 

• sjávarsalt 

• svartur pipar úr kvörn

• 40 gr gráðostur 

Skerið stilkinn af grænkálinu og hendið. Setjið grænkálsblöðin í pott með skallotlauknum og rjómanum. Kveikið undir pottinum og setjið á rúmlega hálfan styrk, Bætið gráðostinum út í og sjóðið allt saman í 10 mín. Smakkið til með grænmetiskraftinum, sítrónusafanum og saltinu og piparnum 

Meðlæti 

• 1 stk fennel

• 1 box bláber  

• 2 stk radísur

Skerið radísurnar og fennelið þunnt í mandólini eða með hníf og setjið á diskinn í kringum rjúpuna ásamt bláberjunum.

Jólakryddaðar möndlur 

• 150 gr möndlur 

• 2 msk hunang 

• ½ tsk cayanna

• ½ msk svartur pipar úr kvörn 

• 1 tsk kanill  

• ½ tsk negull

• 1 tsk sjávarsalt 

Setjið möndlurnar í 150 gráðu heitan ofninn í 30 mín. Takið út úr ofninum og setið hunangið yfir þær ásamt kryddinu og blandið öllu saman.  Setjið inn í ofninn í 10 mín. Takið út úr ofninum og setjið á smjörpappír.