• 200 gr stjörnugrís pepperoni pylsur 

• ½ rauðlaukur (smátt skorinn)

• 150 gr sveppir (skornir)

• 8 egg 

• 100 ml rjómi

• 100 gr rifinn ostur

• Niðursoðnar svartar baunir ( má sleppa )

• 4 stk tortillur 

• Olífuolía 

• Sjávarsalt 

Skerið pylsurnar niður í litla teninga og setjið á heita pönnu ásamt sveppunum og lauknum, steikið þar til grænmetið er eldað í gegn. Brjótið eggin í skál og pískið þau saman ásamt rjómanum og ostinum og hellið svo út á pönnuna. Eldið í ca 3 min eða þar til að eggin eru elduð í gegn. Þerrið baunirnar vel og setjið út á pönnuna og blandið öllu saman og smakkið til með salti. Setjið blönduna inn í tortillunar og brjótið þær svo í helming. Steikið þær á pönnu eða bakið í 180 gráðu heitum ofni í 15 min. 

Mangó og avacadósalsat

• 1 stk fullþroskað mangó (smátt skorið)

• 1 stk Avocado (skorið í bita)

• 1 stk rauð paprika (smátt skorin)

• 2 msk saxaður kóriander 

• 2 msk ólífuolía 

• 1 stk lime 

Setjið allt nema lime saman í skál, rífið börkinn af lime-inu í skálina og kreistið safan yfir. Blandið öllu saman og berið fram með Quesadilla-inu.