Grísakótilettur

• 4 stk ca 250 gr grísakótilettur 

• 50 gr steinselja ( fínt skorin )

• 1 tsk hvítlauksduft 

• 1 tsk laukduft 

• 1 tsk timian 

• 1 tsk fínt salt 

• 1 stk sítróna (börkurinn fínt rifinn)

• 200 gr brauðraspur 

• Hveiti 150 gr 

• 4 egg

• 100 gr smjör 

• Olífuolía til steikingar 

• Sjávarsalt 

• Svartur pipar úr kvörn 

• 1 sítróna 

Berjið kótiletturnar með kjöthamri báðum megin. Setjið raspinn í skál með steinseljunni, hvítlauksduftinu, laukduftinu, timianinu, fína saltinu og sítrónuberkinum og blandið öllu vel saman. Hellið hveitinu í skál og brjótið eggin í aðra skál og pískið þau saman með písk. Byrjið á að velta kótilettunum upp úr hveitinu, svo eggjunum og í lokinn upp úr kryddraspinum, passið að raspurinn hjúpi alla kótilettuna. Hitið pönnu með ólífuolíu og smjöri við meðal hita og brúnið kótiletturnar á báðum hliðum þar til þær eru orðnar gullinbrúnar. Setjið kótiletturnar inn í 180 gráðu heitann ofn í 8 mín eða þar til þær hafa náð 70 gráðu kjarnhita. Berið fram með sítrónubátum 

Bakað blómkál með beikoni, rjómaosti og döðlum 

• 2 stk blómkálshausar 

• 100 gr beikon 

• 80 gr döðlur ( skornar)

• 300 gr rjómaostur

• 250 ml rjómi 

• 1 stk kjúklingakrafts teningur 

• 40 gr eplaedik

• Sjávarsalt 

• Svartur pipar úr kvörn.

Skerið beikonið niður í þunnar sneiðar og steikið þar til að það er orðið stökkt, lækkið undir pönnuni og bætið döðlunum út á pönnuna ásamt rjómanum og kjúklingakraftinum og sjóðið í ca 5 min við væga suðu, bætið svo rjómaostinum út í og blandið öllu varlega saman. Smakkið til með salti, pipar og eplaediki. Skerið blómkálið niður og setjið í eldfast mót, hellið rjómaostablöndunni yfir blómkálið og setjið inn í 200 gráðu heitann ofn og bakið í 30 min.

Gremolata 

• 50 gr steinselja 

• ½ sítróna börkurinn og safinn 

• 1 msk fínt rifin fersk piparót 

• 1 hvítlauksrif fínt rifið

• 200 ml ólífuolía 

• Sjávarsalt  

Skerið steinseljuna fínt niður, rífið sítrónubörkinn og kreistið safann úr 1/2 sítrónu saman við. Blandið öllu hinu hráefninu saman og smakkið til með saltinu. Gott er að láta blönduna standa í nokkrar klst áður en hún er borinn fram.