Lambalundir með pistasíum 

• 800 gr lambalundir 

• ólífuolía 

• 50 gr smjör 

• sjávarsalt 

• svartur pipar úr kvörn 

• 100 gr pistasíur (ristaðar við 150 gráður í 15 mín)

Setjið lundirnar á bakka og kryddið þær allan hringinn með salti og pipar. Hitið pönnu með ólífuolíu og setjið lundirnar á pönnuna. Steikið í 2 mínútur, snúið þeim svo við og bætið smjörinu út á pönnuna.  Steikið í 2 mínútur í viðbót og ausið smjörinu yfir á meðan. Takið lundirnar af pönnunni, setjið þær í eldfast mót með álpappír yfir og látið þær hvíla þar í 10 mínútur. Skerið pistasíurnar fínt niður og stráið þeim svo jafnt yfir lundirnar áður en þær eru bornar fram.

Hægeldaður gulrætur með chorizo og smælkiskartöflum 

• 500 gr gulrætur 

• 1 stk rauðlaukur

• 250 ml ólífuolía 

• 600 gr soðnar kartöflur 

• 100 gr chorizo 

• 2 msk eplaedik 

• 70 gr kapers 

• ½ búnt ítölsk steinselja 

• sjávarsalt 

• svartur pipar úr kvörn 

Skrælið gulræturnar og laukinn og skerið þunnt niður. Setjið síðan í pott með ólífuolíunni og eldið við hálfan styrk í 20 mín. Skerið smælkið í helming og chorizoið í litla bita. Bætið því út í pottinn og eldið í ca 10 mínútur í viðbót. Bætið eplaedikinu út í og smakkið til með saltinu og piparnum. Skerið steinseljuna gróft niður og bætið útí í lokin ásamt kapersnum.

Trufflumajónes 

• 150 gr japanskt majónes 

• 2 msk truffluolía 

• 1 msk sítrónusafi 

• 2 msk trufflur í krukku (má sleppa)

Setjið allt hráefnið saman í skál og pískið saman.