Kjúklingur

• 800 gr upplæri á beini 

Soð fyrir kjúkling 

• 1200 ml vatn 

• 500 ml ljóst edik 

• 6 stk hvítlauksgeirar 

• 6 stk lárviðarlauf 

• 1tsk svört piparkorn 

• 2 msk sykur 

• 1 msk chiliflögur 

• 1 msk salt 

Setjið allt saman í pott og sjóðið varlega upp á blöndunni. Setjið svo lærin út í og sjóðið þau í blöndunni við vægan hita í ca. 20 mín eða þar til kjúklingurinn hefur náð 74 gráðum í kjarnhita. Takið kjúklinginn upp úr og setjið á bökunargrind með bökunarplötu undir og látið vökvann leka af honum í ca. 30 mín. Þerrið restina af vökvanum af með eldhúsrúllu.

Hjúpur fyrir kjúkling 

• ½ liter súrmjólk 

• 250 gr hveiti 

• 1 tsk paprikuduft 

• ½ tsk nýmalaður svartur pipar 

• 2 lítrar canolaolía til djúpsteikingar 

Blandið hveitinu, paprikuduftinu og piparnum saman í eldfast mót. Veltið kjúklingnum upp úr súrmjólkinni og setjið hann svo í hveitiblönduna. Látið kjúklinginn standa í ca 20 mín áður en þið djúpsteikið hann. Hitið pott með olíunni í upp í 180 gráður eða djúpsteikingar pott og steikið kjúklinginn þangað til hann er orðinn gylltur að utan.

Salthnetudressing 

• 100 ml hnetusmjör 

• 100 ml volgt vatn 

• 1 msk maplesíróp 

• 1 msk sojasósa 

• 1 msk fiskisósa 

• 2 msk sriracha sósa 

• 100 gr salthnetur gróft skornar 

Blandið öllu hráefninu nema salthnetunum saman í skál með písk og bætið salthnetunum útí í endann.

Hvítkáls- og myntusalat

• ½ fínt skorinn chili 

• ½ haus hvítkál fínt skorið (ca 300 gr) 

• 2 msk mynta gróft skorin

• 1 poki radísur 

• ½ agúrka 

• 50 ml olífuolía 

• 2 msk sojasósa 

• safi og börkur af 1 lime

Skerið radísurnar í þunnar ræmur í mandólíni og agúrkurnar í strimla. Setjið allt hráefnið saman í skál, rífið lime börkinn og kreistið lime safann yfir. Blandið öllu vel saman.

Meðlæti

• Lime bátar 

• Gróft skorinn kóríander