Pottréttur 

• 1 stk rauðlaukur skrældur og gróft skorinn

• 1stk gul paprika kjarnhreinsuð og gróft skorin

• 1 stk rauð paprika kjarnhreinsuð og gróft skorin

• 4 hvítlauksgeirar skrældir og gróft skornir 

• 300 gr kartöflusmælki skorið í helming 

• 700 gr úrbeinuð kjúklingalæri 

• Olía til steikingar 

• 4 msk fínmalað cummin 

• 2 msk laukduft 

• 1 msk sambal oelek chilimauk

• 6 msk worcestershire sósa

• 2 dósir niðursoðnir tómatar 

• 200 ml vatn 

• 1 tsk Kjúklingkraftur 

• Sjávarsalt 

• Svartur pipar úr kvörn

Hellið olíu í pott og létt steikið allt grænmetið. Takið grænmetið upp úr pottinum og brúnið kjúklinginn þar til hann er orðinn gullin brúnn. Setjið grænmetið út í pottinn með kjúklingnum og bætið kryddunum chilimaukinu og worcestershire sósunni út í ásamt tómötunum. Látið malla í pottinum í ca 35 mín - smakkið til með sjávarsaltinu. Gott er að bera þennan rétt fram með sýrðum rjóma og nachos.

Maís og svartbaunasalsa 

• 1 stk 280 gr dós niðursoðinn maís 

• ½ stk 400 gr dós niðursoðnar svartar baunir 

• ½ stk fínt skorinn chilipipar 

• 2 msk fínt skorinn kóriander 

• 2 stk fínt skorinn vorlaukur 

• ½ box kirsuberjatómatar skornir í 4 bita

• Sjávarsalt 

• 3 msk ólífuolía 

Blandið öllu saman og smakkið til með saltinu.