Kjúklingabringurnar 

• 4 stk kjúklingabringur 

• 300 gr brauðraspur 

• 150 gr hveiti 

• 4 stk egg 

• ólífuolía 

• 200 gr Smjör 

• sjávarsalt 

• svartur pipar úr kvörn  

• 2 stk sítrónur 

Berjið kjúklingabringurnar niður með kjöthamri þar til þær eru orðnar ca. 5 mm þykkar. Brjótið eggin og sláið þau í sundur með písk og setjið í djúpan disk. Setjið hveitið í annan djúpan disk og raspinn enn annan djúpan disk. Byrjið á að velta bringunum upp úr hveitinu, svo eggjunum og svo raspinum í lokin. Hitið pönnu með vel af olífuolíu og smjöri þar til smjörið fer að freyða. Setjið bringuna ofan í og steikið við ca ½ styrk þar til raspurinn er orðinn gylltur og fallegur. Snúið bringunum við og steikið þar til þær hafa náð sama lit á hinni hliðinni og eru eldaðar í gegn, kryddið með saltinu og piparnum og kreistið ferskan sítrónu safa yfir rétt áður en þær eru borðaðar.

Heimalöguð tómatsósa

• 1 stk laukur 

• 3 stk hvítlauksgeirar

• 2 dósir niðursoðnir tómatar (400 gr. stk.) 

• 2 msk grænmetiskraftur 

• 3 msk hlynsíróp 

• 1 msk hvítlauksduft

• 1 tsk þurrkað basil

• ólífuolía 

• Sjávarsalt 

• Svartur pipar úr kvörn 

Skerið laukinn og hvítlaukinn fínt niður og setjið í pott með ólífuolíunni og steikið við vægan hita þar til hann fer að mýkjast. Bætið tómötunum, hvítlauksdufti  og basil út í og látið sjóða í ca. 1 klst við vægan hita. Maukið sósuna með töfrasprota eða í matvinnsluvél og smakkið til með grænmetiskraftinum, hlynsírópinu, saltinu og piparnum.

Spaghetti

• 1 pakki spaghetti

• 1 biti parmesan ostur 

• ólífuolía 

Sjóðið spaghettið og sigtið vatnið af því. Hellið olífuolíu yfir það og kryddið með salti og pipar. Berið fram með parmesanostinum