• 800 gr fullhreinsað lambafille 

• 4 stk bökunar kartöflur (skrældar) 

• 100 gr brauðraspur 

• ½ poki steinselja (fínt skorin)

• ólífuolía 

• svartur pipar úr kvörn 

• Sjávarsalt

Skerið kartöflurnar í mandólíni í fína strimla og leggið á klút og vindið vökvann úr þeim. Skerið lambafilleið í ca. 200 gr steikur, veltið því upp úr brauðraspinum og kryddið með saltinu og piparnum. Hitið pönnu með ólífuolíu á í rúmlega hálfan styrk. Setjið ¼ af kartöflustrimlunum á miðja pönnuna og dreifið úr þeim, steikið þær á annarri hliðinni þar til þær eru orðnar gullin brúnar og kryddið með salti og pipar. Hellið kartöflunni á viskustykki með stökku hliðina niður. Dreifið steinseljunni yfir kartöfluna, setjið lambafilleið í miðjuna á henni og rúllið kartöflunni utan um filleið með viskustykkinu þéttingsfast. Endurtakið fyrir hverja steik fyrir sig. Setjið inn í 200 gráðu heitan ofninn í 13 mín. Takið út og látið hvíla í 10 mín.

Kremaðir sveppir og blaðlaukur

• 2 stk portóbellósveppir 

• 1 box kastaníu sveppir 

• ½ líter rjómi 

• 1 hvítlauksgeiri (fínt rifinn)

• 2 stk blaðlaukur (gróft skorinn)

• ½ teningur sveppakraftur 

• 2 msk rauðvínsedik

• Sjávarsalt 

• Svartur pipar úr kvörn 

• 2 msk estragon (fínt skorið) 

Skerið sveppina í grófa bita og setjið í pott með blaðlauknum, hvítlauknum, sveppakraftinum og rjómanum. Sjóðið allt saman við væga suðu í 15 mín. og smakkið til með rauðvínsedikinu, saltinu og piparnum. Blandið að lokum estragoninu saman við.